Tuurebricht vom 7. und 8. März, Biwaktuur im Färmeltal
 

-wenn de einisch afangs märz
dr winter wotsch erläbe mit ganzem härz
-ou vom ganze corona gschtürm chli rueh wotsch ha
de mäutschti eifach für d biwaktuur vo brandis a

-so simer deds viert am samschtigmorge
loszoge is fermeltau, ganz ohni sorge
-mit splitbord, schneeschue und tuureschi
loufe mir uf d aup, i üsem rucksack hei mer aus derbi

-zirka am eis do vö mir afa boue
mit sagi u schufle wärde schneeblöck useghoue
-dr bouplatz wird mit de schi ganz guet gtampfet
de wird dr durchmässer feschtgleit, u när nume no krampfet

-dr erscht ring gseht us zum küsse
was iz isch cho, wotsch gar nid wüsse
-mir müässe nämlich im nächschte schritt
diä blöck behandle mit eme schreege schnitt

-spirauförmig mure mir iz witter
doch oweh, d qualität vo de blöck wird langsam schitter
-nachem zvieri chöme mir zum schluss
dr radius verchlinere ist ein MUSS

-früsch gschterkt und vou vertroue
vö mir no einisch afa boue
-mit de aute blöck geht me mure ganz schnäu stige
hüt ds nacht wette mir ia dert inne lige

-für d schlussfase si mir sehr froh
dass no dr janis und dr stifu si zuenis cho
-mir bruche schii und stöck zum stüpere
u schliesse das jglu ganz ohni ds hüpere

-mir lege trochni chleider über d chnoche
im iglu isch dr flöru scho am choche
-im biwak ds nacht ässe isch ganz speziell
äs louft chli ab wiä nes zeremoniell

-chli chäs u tee zum apero
när heimer feini suppe übercho
-mir gniesse d äuplermagrone wunderbar
mit öpfumuess dasch isch ja klar

-im mage hei mir jz ä wöölli
doch üsses jglu isch ä tropfsteihöölli
-nach dr staudercreme und em tee
gseht me drü vo üs gli nümme mee

-si hei i dere schöne mondschinnacht
no äs chlises tüürli gmacht
-diä angere drü,chum ufgstange vo däm tisch
si ga luege obs im schlafsack ä chli wermer isch

-am sunntigmorge het de so ä tropf
dr wäg grad gfunge uf stifus chopf
-är isch uf grad wie ne wiudi chue
u isch diräkt go wasser übertue

-jz verwache aui us irem pfus
und grage use, us däm hus
-dusse isches schön und chaut
so dass es aune richtig gfaut!

-z morge nä mir im stah
bi gfüäte -6 isch das ja ds verstah
-mir dänke nid a geschter und nid a morn
und starte üsi tuur ufs albrischthorn

-düre grabe hingere u de rächts ueche
dr stiffu spuuret und muess nid sueche
-ds oberscht wirds de geng wiä steiler
und mir junge finges geng wie geiler

-uf em gipfu heimer no chli ä kampf
so äs splitbord zäme boue isch ä chrampf!
-du chasch u muesches nid  verstah
bim stifu hei grad zwe stöck laga

-mir sörfe abe im schöne schnee
d snouborder gsehsch gli niene mee
-dunge bim materialdepo
do simmer wieder zämme cho

-mit de grosse ruckseck geits no bis zum outo, scho bau
und mir säge, glücklich und ds fride, däm femutau, tschau tschau


Claudio Fontana