Tourenbericht 20.-21. Juni 2020 Diechterhorn (3387 m ü. M.)
Samstag: Reise und Hüttenzustieg Gelmerhütte
Bereits bei der Anreise Richtung Gelmerhütte durften wir das erste Highlight erleben: Mit der 106%-steilen Gelmerbahn wurde der Aufstieg etwas verkürzt. Durch die eher klapprigen Holzwagen und die Steilheit kommt mitten der tollen Schweizer Bergwelt Achterbahn-Feeling auf. Nach einer kurzen Mittagspause am Gelmersee erreichten wir in ca 2 Stunden die Gelmerhütte, wo wir vom Hüttenwart mit einem Glas Tee begrüsst wurden. Wetterbedingt wurden die Stunden bis zum Abendessen in der Hütte verbracht. Mit Uno, Kartenhäusern und Magazinen gingen aber auch diese Stunden vorbei. Nach einem feinen Abendessen wurden nochmals ein paar Runden Uno gespielt, wobei das letzte Duell zwischen Florian und Lea wohl als längstes 2-Personen Uno-Battle in die Geschichte eingehen wird ;). Anschliessend gingen alle schnell schlafen, um fit für den nächsten Tag zu sein. - Lea Schmid
Sonntag: Tours aufs Diechterhorn (3387 m ü. M.)
Viiiu z früe am Morgä, nämlech uf die haubi 5i, heimer Zmorge gässe. Gschlafä het äuä niemer würklech guet. Aber d Vorfreud uf di bevorstehendi Tour het üs d Müedigkeit schnäu us de Chnoche tribä. Uf di füfi simer mit liechtem Rucksack los glüffä richtig Diechtergletscher. Dert a cho heimer d Stigise a gleit, der Picku füre gno und üs a gseilet. Nach ere chlyne Sterchig simer a zwöi zäme ghänkte 50m Seili los glüffe. Mir hei sogar so öppis wine Sunneufgang gseh. Aber scho gly simer i dichtem Näbu glandet. Wüu me würklech chum öppis gseh het, heimer no fast d «Abzweigig» richtig Gipfu verpasst. Aber we irgend öpper sötti fragä: mir hei eifach üsi 1000 Höhemeter wöue gmacht ha für di Tour u si drum e chly witer ufe glüffe aus nötig : ) Vo hie a isches so chaut gsi wi säute im Juni. Numä d Sabä het warm gha, si het geng di töifste Löcher ir Spur verwütscht. U womer de dä Gipfu im Näbumeer ändlech erreicht hei, simer nachem obligatorische Gipfu Föteli sofort wider talwärts ufbrochä. Der Abstig düre Schnee isch, nachdäm mer d Stigise hei abzogä, zimlech schnäu gangä. U langsam si o d Finger vom Flöru u mir wider uftouet. Zrug bir Hütte hez no feine Chueche gä zur Sterchig u ner simer aui richtig Tal los glüffe. Numä d Chappä vor Lea het gfählt, di isch äuä immer no irgendwo ir Gelmerhüttä (2411 m ü. M.). Müed aber zfride heimer schlussendlech im Tal der Bus richtig Guettanne gno u si heiwärts gfahre. - Sarah Dolder
