Tourenbericht JO Klettern 06.05.2023
Dr Abe vom 5.Mai, s'isch schwirig dä Frühelig trochnigä Feus z fingä. Fasch het aues mögä trochnä u scho chunnt der nächst Sturm. Mässig zueversichtlech heimer die Tuur uf verschidnigi Artä gstartet. D Sarah u dr Yves si uf Nummer sicher gangä u hei dr Tag zäme z Meiringe ir Halle verbracht. Dr Märcu u ig, dr Lukas, heis probiert u si in Orvin i Sektor 'Grande Lame' üses glück ga usevordere. Tatsächlech heimer trochnige Feus gfungä u hei so es paar schöni Route chönne chlättere.