Am Donnstig simer mitem Zug ab Burgdorf uf Olte und vo dert uf Bellinzona gfahre. Leider hets üs dert nümme ufe Bus glängt und darum simer chli speter bim Camping acho. No vorem erste Räge heimer üser Zält ufboue und üs igrichtet. Gäge Nami simer mit de Crashpad ines nachs Bouldergebiet glüffe und hei üs dert chöne ustobe. Zum Znacht hez feini Tortellini mit Pesto gä, nume Dessert hez keis gha.
Hüt hets ir Nacht grägnet und drum heimer üs bim Zmorge entschide nid dusse ga z bouldere. Gäge Namittag simer mitem Zug nach Giubiasco gfahre und für di nägste Täg ga ichoufe bevor mer iz Alpha Boulder si ga bouldere. Womer aui müed si gsi simer zurüg ufe Camping und es het Risotto mit Gmües und Cervelats gä. D Staldercreme heimer no zum Dessert gschnouset.
Wüus di ganzi Zit am rägne isch gsi, heimer üs entschide früecher hei z ga. Nachem Abboue vode Zält simer mitem Zug uf Bärn gfahre und no iz Bimano ga bouldere.
